ആത്മകഥ

സോന വാൻ 

അർമേനിയ

എന്റെ മുത്തച്ഛൻ
ഒരു മന്ത്രിയായിരുന്നു
രാവിലെ 9 മുതൽ വൈകീട്ട് 6 വരെ
അദ്ധേഹം ദൈവത്തിൽ വിശ്വസിച്ചു
രാത്രിയിൽ
വിശ്രമക്കയാവും

എന്റെ അച്ഛൻ ഒരു
ഭൌതികശാസ്ത്രജ്ഞനായിരുന്നു
രാവിലെ 9 മുതൽ 6 വരെ
അദ്ധേഹം ദൈവത്തെ അവഗണിച്ചു
6 നു ശേഷം രഹസ്യമായി വിശ്വസിച്ചു

എന്റെ അമ്മായി
അവളുടെ എല്ലാ പ്രേമലേഖനങ്ങളും
ബൈബിളിൽ സൂക്ഷിച്ചു
എന്നിട്ട് രണ്ടും ഒരേ മുഴുകിയനോട്ടത്തോടെ
വായിക്കും. താക്കോൽ‌പ്പഴുതിലൂടെ
അവരെ നൊക്കിയിരിക്കുമ്പോൾ
എനിക്കു പറയാനാവില്ലായിരുന്നു
ഏതു മുക്തിയാണവര്‍ ഇഷ്ടപ്പെട്ടിരുന്നതെന്ന്

ഞാൻ അമ്മയുടെ കാര്യം പറയാൻ‌തന്നെ 

വിട്ടുപോയി

അവൾ വിശ്വസിക്കാനും

അവിശ്വസിക്കാനും കഴിയാത്തത്ര തിരക്കിലായിരുന്നു
ഓരോന്നുണ്ടാക്കിയും ചുട്ടെടുത്തും
ദിവസം മുഴുവൻ അവർക്ക് തിരക്കായിരുന്നു