Latvia
കറുത്ത ഉടുപ്പിടാൻ ഇഷ്ടം
പഴയ സിനിമകൾ കാണാനിഷ്ടം
ഇപ്പോഴും ചെരുപ്പില്ലാതെ നടക്കാനാവുന്ന ചില വഴികളിലൂടെ
അങ്ങനെ നടക്കാനിഷ്ടം
എനിക്കവളെക്കുറിച്ചധികമൊന്നുമറിയില്ല
സമയത്തിന്റെ ചില്ലിനിരുവശത്തും പൊടിപിടിച്ചിരിക്കുന്നു
എന്നാലും ചിലരൂപങ്ങളൊക്കെ ഊഹിക്കാം
എന്നെപ്പോലെ തന്നെ , അവൾക്കിരുട്ടിനെ പേടിയില്ല
പിന്നെ എങ്ങനെ സന്തോഷമായിട്ടിരിക്കാമെന്നറിയുകയുമില്ല
അവൾ പറയുന്ന ഭാഷ എനിക്ക് കേൾക്കാനോ മനസ്സിലാക്കാനോ വയ്യ
ആരാണ് പറഞ്ഞത് എന്റെ കണ്ണിൽ ഒരു അപരിചിതമായ നോട്ടമുണ്ടെന്ന്?
എന്റെ കുഞുകുഞ്ഞുകുഞ്ഞുപേരമകൾ ഇന്നു രാവിലേമുതൽ
നോക്കിയിരിക്കുന്ന ഒരു പഴഞ്ചൻ പുകപിടിച്ച കണ്ണാടിയാണു ഞാൻ
നോക്കിയിരിക്കുന്ന ഒരു പഴഞ്ചൻ പുകപിടിച്ച കണ്ണാടിയാണു ഞാൻ
