കുളിമുറി

മസായോ കൊയ്കേ 

ജപ്പാൻ

രാത്രിയുടെ വൈകിയ സമയത്ത്  ഡൈകോകുയയുടെ കുളിമുറി നിശ്ശബ്ദമാണ്
തളർന്നവശയായ ഒരു വൃദ്ധ
നഗ്നയായി അഴുക്ക് നീക്കാനാവാൻ പോലുമാവാതെ
വാതിലിൽ തട്ടുന്നു
അകത്തു വരുന്നു
ടാപ്പ് ഇളകിയിരിക്കുന്ന ഷവറിന്റെ തുളയിൽ നിന്നു
വെള്ളം ഇറ്റുവീഴുന്ന ശബ്ദമുണ്ടാക്കുന്നു

നഗ്നപാദയായി രാത്രിക്കുളിർ മൃദുവായി ഒളിഞ്ഞുകടക്കുൻന്മു
മുകളിൽ നിന്നുള്ള നാട്ടുവെളിച്ചത്തിൽ
വെള്ളം ചാഞ്ചാടുന്നു
കുളിത്തൊട്ടിയുടേ വക്കിൽ തുളുമ്പുന്നു
ഞാൻ
ഒരു വിധിയും തീർപ്പാക്കിയില്ല
ഒരു മരക്കഷ്ണം പോലെ
ആ പെൺശരീരം നോക്കിയിരുന്നു
ഞാൻ കണ്ടു
നഗ്നമായ പുറം, അര, പിൻഭാഗം
സ്വകാര്യഭാഗങ്ങൾ

വെള്ളമവരുടെ ശരീരത്തിലൂടെ ഒഴുകുന്നു
തലമുടിയിൽ വീഴുന്നു
പെൺശരീരത്തിലെ നിരവധിഈടുക്കുകളിലൂടെ
വെള്ളമവിടെ തടം‌‌‌പിടിക്കുന്നു
തുള്ളിയിടുന്നു
വളരെ വളരെ വർഷങ്ങളായി ഞാനിതു നോക്കിനിൽക്കുകയാണെന്ന്
എനിക്ക് തോന്നുന്നു
ഞാൻ ആൺകുളിമുറിയും പെൺകുളിമുറിയും വേർതിരിക്കുന്ന ചുമർ കണ്ടു
ഞാനവശ്യമായത്രയും സമയമെടുത്തു
ഒരു കാട്ടുമൃഗത്തെപ്പോലെ
അമ്പരന്ന്
ആ‍രും ആണുങ്ങളുടെുളിമുറിയിൽ നിന്നു പെൺകുളിമുറിയിലേക്ക്  , തിരിച്ചും, കയറിവരുന്നില്ലെന്നു ഉറപ്പാക്കാൻ

അടയ്ക്കാൻ തുടങ്ങുന്ന നേരം

കിജി കുടാനി  ജപ്പാൻ അടയ്ക്കാൻ തുടങ്ങുന്ന നേരം ഒരു കാപ്പിക്കടയ്കക്കു മുന്നിൽ നഗ്നമായ പാദങ്ങളും തുറന്ന തോളുകളുമായി ഒരു പെൺകുട്ടി അരമുള്ള വെള്ളിവീണ ശബ്ദത്തിൽ ഒരു പഴയ നഴ്സറിപ്പാട്ട് പാടാൻ തുടങ്ങി ഇടത്തുകൈയിൽ ചെരുപ്പ് തൂക്കിയിട്ട് വലിയ കണ്ണീർത്തുള്ളികൾ പൊഴിച്ച് അവളുടെ അമ്മ അവളുടെ വായ് പൊത്താൻ ശ്രമിക്കുന്നുണ്ടായിരുന്നു അവൾ കതറി മാറി തന്റെ പാട്ടിനെ അമ്മയുടെ കയ്യിൽ നിന്ന് രക്ഷിക്കാൻ ശ്രമിക്കുമ്പോൾ സ്റ്റോപ്പ് ലൈറ്റിന്റെ പച്ച പ്രതിഫലിച്ച് അവളുടെ മുലകൾ കുലുങ്ങി സൗമ്യസുഗന്ധമുള്ള ഒരു കൂട്ടം വസ്തുക്കളുടെ പൊട്ടിത്തെറിയ്ക്കലിനെ ലോകത്തേയ്ക്ക് തുറന്നുവിട്ടുകൊണ്ട് അവർക്കു ചുറ്റും രാത്രിയുടേ അനവധി നീണ്ട കൈയുകൾ നിശ്ശബ്ദമായി പടർന്നു. മരിച്ചപക്ഷികളുടെ ശരീരമുൾക്കൊള്ളുന്ന നിശ്ശബ്ദതകൊണ്ടു നിറഞ്ഞു കവിയുന്ന ഭൂമിപോലെ - ആർക്കറിയാം രാത്രി അത്തരം സുഗന്ധങ്ങളുടെ സമയമാണോ എന്ന്? അതിന്റെ മടക്കുകളിൽ പൊതിഞ്ഞിരിക്കുന്നവർക്ക് അശ്രദ്ധമാകുന്നതിന്റെ ദുഖം

പുഴ

സുഹുൻടാാരൊ ടനികാവ

 ജപ്പാൻ

അമ്മേ
ഈ പുഴയെന്തിനാ ചിരിക്കുന്നേ?
എന്താന്നൊ, സൂര്യൻ പുഴയെ ഇക്കിളികൂട്ടീട്ടാ

അമ്മേ
ഈ പുഴയെന്തിനാ പാടുന്നേ?
അതേ, വാനമ്പാടി പുഴയുടെ ശബ്ദത്തെ പുകഴ്ത്തിപ്പറഞ്ഞിട്ടാ

അമ്മേ,
ഈ പുഴയ്ക്കെന്താ തണുപ്പ്?
ഒരിക്കൽ മഞ്ഞ് അതിനെ സ്നേഹിച്ചിരുന്നത് ഓർത്തിട്ടാ

അമ്മേ,
ഈ പുഴയ്ക്കെത്രവയസ്സായി?
അതിനു എന്നെന്നുമുള്ള വസന്തത്തിന്റെ അതേപ്രായമാ

അമ്മേ,
ഈ പുഴയെന്താ ഒരിക്കലും വിശ്രമിക്കാത്തെ?
അതോ, അത് അമ്മക്കടൽ പുഴ വീട്ടിൽ തിരിച്ചുചെല്ലുന്നതും കാത്തിരിക്കയല്ലെ

ആന

കിജി കുടാനി 

ജപ്പാൻ

ഞാൻ ഒരു ആനയെ സ്വപ്നം കണ്ടു

സൂചിപോലത്തെ രോമങ്ങളും
നീണ്ടു ഞൊറിവുകളുമുളള തുമ്പിക്കൈ കൊണ്ട്
അതെന്റെ കഴുത്തിൽ മഫ്ളർ പോലെ ചുറ്റി
ഞാൻ യദൃച്ഛയാ പരിചയപ്പെടാനിടയായ
ഒരു പെൺകുട്ടിയുമൊത്ത്
വായിച്ച പുസ്തകങ്ങൾ വിൽക്കുന്ന
ഇരുണ്ട ഒരു കടയിൽ പോയി

ചെറുപ്പക്കാരനായ അതിന്റെ ഉടമ
ഉത്സാഹത്തോടെ കണ്ണടച്ചില്ലുകൾ തുടച്ച്
താഴ്മയോടെ സ്വാഗതം ചെയ്തു
ആ വയസ്സനാന മാത്രം ഞങ്ങളെ പിന്തുടരുന്നുണ്ടായിരുന്നു

ഉണർന്ന് ഒരു നിമിഷത്തിനുള്ളിൽതന്നെ
ഞാനാ പെൺകുട്ടിയുടെ മുഖവും
ആ പുസ്തകക്കടയിലേയ്ക്കുള്ള വഴിയും
പൂർണ്ണമായും മറന്നിരുന്നു.
പക്ഷെ ഒരു മടിച്ചിപ്പുഴപോലെയുള്ള
ആ ആനയുടെ നിശ്വാസത്തിന്റെ മണം
ഇപ്പൊക്കൊടുത്തൊരു വാഗ്ദാനം പോലെ
എന്നിൽ തെളിഞ്ഞു നിന്നു

അതിരാവലത്തെ കുളിരുള്ള ക്ലാസ് മുറിയിൽ
ഒറ്റയ്ക്ക് , ചെപ്പിലടച്ച ചായയും കുടിച്ചുകൊണ്ടിരുന്നപ്പോൾ
എന്റെ വയറ്റിൽ ആനയുടെ ആകൃതിയിലൊരു ഇളംചൂട്
നിറയുന്നതായി എനിക്ക് തോന്നി

നിങ്ങൾ ഒരിക്കലുമറിയില്ല
ഈ ജനലിനപ്പുറത്തുള്ള ആകാശം
ഈ മണിക്കൂറിന്റെ അവ്യക്തമായ വെണ്മയെ
ഒരിക്കലും നഷ്ടപ്പെടുത്താതെ പതുക്കെ അവസാനിച്ചേക്കാം.
അതു സംഭവിക്കുമെന്ന്
മങ്ങിയ പ്രതീക്ഷയോടെ

എനിക്കു തോന്നി

നിങ്ങൾ ഒരിക്കലുമറിയില്ല