കൈകൾ

സിവ് സെഡെറിങ്

സ്വീഡൻ

ഞാൻ ഉറങ്ങുമ്പോൾ
എന്റെ കൈകൾ എന്നെ വിട്ടുപോവും

അവ പേനയെടുത്ത്
ഓരോ ചിറകിലും
അഞ്ച് തൂവലുകൾ വീതമുള്ള
ജീവികളെ വരക്കും

ആ ജീവികൾ പെരുകും
അവർ പറയും: “ഞങ്ങൾ
നിന്റെ അച്ഛന്റെ കൈകൾ പോലെ
വലുതാണ്”

അവർ പറയും: “ ഞങ്ങൾക്ക്
നിന്റെ അമ്മയുടെ പോലെ
വിരൽമുട്ടുകളുണ്ട്”

ഞാനവരോട് പറായും
“നിങ്ങൾ കൈകളാണെങ്കിൽ
നിങ്ങളെന്താ തൊടാത്തത്?”

ചിറകുകൾ വായുവിൽതല്ലി
കൈകൊട്ടി

അവ പറക്കും
കൈമുട്ടിനും മണിബന്ധത്തിനും
വളരെ മുകളിലായി

അവ ജനാലതുറന്ന്
മുറിക്കു പുറത്തുകടക്കും

അവ മരക്കൊമ്പുകളിൽ ചേക്കേറി
ഇലക്കൂട്ടങ്ങൾക്കിടക്ക് മറഞ്ഞ്
നഖം കടിക്കും. 

“കൈകളേ”
ഞാൻ വിളിക്കും
പക്ഷെ ഇപ്പോ ഇലകൊഴിയും കാലമാണ്(ശിശിരമാണ്)
ചിറകുള്ള എല്ലാ ജീവികളും
തെക്കോട്ട് പറക്കാൻ തയ്യാറെടുക്കുന്നു

ചിതറിപ്പോയ സമ്മേളനം

ടൊമസ് ട്രാന്‍സ്ട്രോർ സ്വീഡൻ 1 നമ്മള്‍ തയ്യാറായിട്ട് നമ്മുടെ വീടുകള്‍ കാണിച്ചുകൊടുത്തു. സന്ദര്‍ശകര്‍ വിചാരിച്ചു: നീ നന്നായി ജീവിക്കുന്നു ചേരി നിന്റെ ഉള്ളിലായിരിക്കും 2 പള്ളിക്കുള്ളില്‍ , തൂണുകളും കമാനങ്ങളും വെളുത്ത പ്ലാസ്റ്റര്‍ പോലെ, വിശ്വാസത്തിന്റെ ഒടിഞ്ഞകയ്യില്‍ പൊത്തിവച്ചിരിക്കുന്നപോലെ 3 പള്ളിക്കുള്ളില്‍ ഒരു പിച്ചപ്പാത്രമുണ്ട് അതു പതുക്കെ നിലത്തുനിന്നുയരുന്നു എന്നിട്ടു ചാരുബഞ്ചുകളിലേക്ക് ഒഴുകുന്നു 4 പക്ഷെ പള്ളിമണികളെല്ലാം പാതാളത്തിലേക്ക് പോയിരിക്കുന്നു അവ മലിനജലക്കുഴലുകളില്‍ തൂങ്ങിക്കിടക്കുന്നു നമ്മള്‍ ഓരോ അടിവയ്ക്കുമ്പോഴും അവ മുഴങ്ങുന്നു 5 നിക്കൊഡെമസ് എന്ന ഉറക്കസഞ്ചാരി മേല്‍വിലാസത്തിലേക്കുള്ള അവന്റെ യാത്രയിലാണ് ആര്‍ക്കാണ് മേല്‍വിലാസമറിയുന്നത്? അറിയില്ല. പക്ഷെ നമ്മള്‍ അവിടേക്കാണോ പോകുന്നത്?