കൊലചെയ്യപ്പെട്ട സ്ഥലത്ത്

ജേൽ ഉരിബേ 

ഡൊമനിക്കൻ റിപബ്ലിക്ക് 

അഭാവത്തിന്റെ അടഞ്ഞകൺപീലിക്കടിയിലെ
നിശ്ശബ്ദമാം ഇളംകാറ്റിൽ നമ്മൾ മറവുചെയ്യപ്പെടും
സ്വാതന്ത്ര്യത്തിന്റെ കണ്ണുകൾക്കിടക്ക് നിലയുറപ്പിച്ചിട്ടുള്ള നിറങ്ങളിൽ,
നഷ്ടമായ ശാന്തിയുടെ ഉലയുന്ന കീറത്തുണിയിൽ
പരാജിതനായ സൂര്യനിലേക്കു നീളുന്ന മുഖങ്ങളുമായി.
വാക്കുകൾ വറ്റിത്തീർന്ന നമ്മുടെ വായകളുമായി

കിളികളുടെ പാട്ട് നിലക്കുമ്പോൾ നാം മരിച്ചിരിക്കും
ബലികാക്കകൾ യുദ്ധഭൂവിൽ വിരുന്നുണ്ണാൻ വരും
അമർഷത്തിന്റെ മുളയിട്ടവിത്തുകൾ പുഷ്ടിപ്പെടും
ശ്മശാനങ്ങൾ നമ്മുടെ അനിശ്ചിതത്വത്തിനു വിലചോദിക്കും

നമ്മൾ ഭൂതകാലത്തിൽ നഷ്ടപ്പെട്ടേക്കാം
അന്ധതയിലേക്ക് വിജയിക്കാതെ വാൾചുഴറ്റി
നിഴലുകളിൽ നമ്മൾക്കു നഷ്ടപ്പെട്ടവനെ ഓർത്ത്
നമ്മുടെ മുറിഞ്ഞ ചിറകുകൾ തുന്നിക്കെട്ടാൻ
കനപ്പെട്ടകരമടച്ച്