ടുണീഷ്യ
പിറന്നതിന്റെ ഏഴാം നാൾ
ഞാൻ പിന്നിട്ടുപോന്നിരിക്കാവുന്ന ലോകത്തിലെ ഭാഷ
ഞാൻ സംസാരിച്ചു
ഒരു നിഴലിനു സാക്ഷിയായി
ആരും കാണാത്ത മറ്റൊരു വെളിച്ചത്തിന്റെ നിഴല്.
ഞാൻ ജനിച്ചതിന്റെ ഏഴാം മാസം
എന്റെ വായൊരു ശൂന്യസ്ഥലത്തിൻ ആകൃതിയായി
സത്യം പറയാനായി ഞാൻ കരഞ്ഞു
എന്നെ ഭാവിയുടെ ഭൂതകാലത്തെക്കുറിച്ച് പഠിപ്പിച്ച വര്ത്തമാനകാലത്തെപ്പറ്റിയാണത്.
പക്ഷെ ആരും കേട്ടില്ല
ഞാൻ ജനിച്ചതിന്റെ ഏഴാം കൊല്ലം
ലോകത്തിന്റെ വരയിട്ടപുസ്തകത്തിലുള്ളതിനെ
ഞാൻ സ്വപ്നം കണ്ടു
ഞാന് ഓരോ അക്ഷരംതോറും പിന്തുടര്ന്നു
എന്നെത്തന്നെ ഓർമ്മിപ്പിക്കാൻ
ഞാൻ എന്താണു മറക്കേണ്ടതെന്നും എന്നിൽ എന്താണ്
ഇതിനകം മരിച്ചുകൊണ്ടിരിക്കുന്നത് എന്നും
