മീൻ നന്നാക്കുന്നവൻ

ഫൈലിസ് മുത്തോനി 

കെനിയ

.
മീ‌ൻ‌കാരന്റെ  അടുത്തു നിന്നു ഞാൻ
മടങ്ങിയെത്തും വരെ അവൻ ആ പുരയ്ക്കു സമീപം ചുറ്റിപറ്റി നിന്നു
എന്നിട്ടവൻ എന്റെ സമീപത്ത് ഒച്ചയില്ലാതെ ഇരിപ്പുറപ്പിച്ചു

ഓരോ ആഴ്ച്ചയും ഓരോ ആളാണെങ്കിലും
ഇന്നത്തെ മുഖം ഒട്ടും പാകമാവുന്നില്ല-
കവിളെല്ലിനു മുകളിൽ കണ്ണിനടുത്തായി
ഒരു വലിയ ഉരഞ്ഞപാടുണ്ട്

പച്ചമീനിന്റെ ദശപോലെ
ഇളംചുവപ്പുതൊലിപ്പുറം തുറന്നുകാട്ടുന്ന
ആ പൊറ്റ ഈയിടെ പൊളിച്ചു മാറ്റി

എനിക്കൊരു ഭീകര വെളിപാടുണ്ട്
ഞാൻ രാത്രി വെള്ളമെടുക്കാൻ ചെല്ലുമ്പോൾ
അവന്റെ പകുതി കല്ലിച്ച മുഖം ഫ്രിഡ്ജിലെ മീനിൽ നിന്നെത്തിനോക്കുന്നു.

ഞാൻ ഞെട്ടുന്നു
എന്നിട്ടും വിനയത്തോടെ അവനെ പിന്തുടരുന്നു,
ഇരുണ്ട് അളവൊത്ത മരമേശയിലേക്ക്


അവന്റെ കുറുകിയ വിരലുകൾ
ഒരു തിലോപ്പിയുടെ വഴുക്കുന്ന ഇളം മാംസത്തിൽ
കൂർത്ത ഒരു കത്തി തുളച്ചുകയറ്റുന്നത് ഞാൻ നോക്കി
നിന്നുൂര്യരശ്മി ഏറ്റപ്പോൾ പറക്കുന്ന ചെതുമ്പലുകം മിന്നിത്തിളങ്ങുന്നു


അവൻ അവന്റെ സഹാനുവർത്തികളുമായി
ലുഗാണ്ടയിലെ അഞ്ചു വ്യത്യസ്ത സംഭാഷണങ്ങള്‍
തുടരുന്നു
ഒപ്പം മീൻ മുറിച്ചുകൊണ്ടുമിരുന്നു
ലോകത്തിലെ ഏറ്റവും എളുപ്പമുള്ളകാര്യമെന്നപോലെ